تجربتى الشخصية مع جوملا مصر قصة نجاح

تجربتى الشخصية  مع جوملا مصر  قصة نجاح 

الاول عايز احكي حكاية انا كنت من سنة بادور على شغل ولي اصدقاء في مجال تصميم المواقع صراحة عجبني مجالهم وسالت ازاي ابدا لقيت ان صعب ابدا على طول في شركة واتعلم فيها ومفيش شركة هتضيع وقتها وتدرب حد
يعني لازم دورات تدريبية الاول
و ابتديت اسال وادور بس ما اكتفتش بكده قريت كمان عن الدورات اللي لقيتها وفهمت ان فيه طريقين
الاول دورات تصميم المواقع فيها اتش تي ام ال ودريم ويفر وفوتوشوب وفلاش وفي اخر الطريق ده تكتشف انك ما تقدرش تعمل موقع كامل يعني اخرك موقع ستاتيك مفيهوش اي حاجة ديناميك زي السيرش والكومنتات والابليكيشنز ولا كنترول بانل يعني الموقع هيفضل ثابت من غير تحديث
الطريق التاني برمجة المواقع واشهر دورتين ايه اس بي او بي اتش بي ودي العكس تماما يعني هتعمل برمجة وصفحات تفاعلية لكن مش هتعرف تعمل تصميمات ولازم واحد تاني يكمل شغلك
ده غير ان اللي. بيكره الرياضيات والمعادلات مش هيقرب جنب المجال ده يعني دي دورات مش سهلة اوبسيطة في الفهم لكل الناس
صراحة كنت لسة حاجز في دورة تصميم مواقع وبعدين حصلت مفاجاة شفت عالفيس كلام عن دورة اسمها جوملا في تصميم المواقع
وفهمت ان جوملا دي برنامج بس عالنت بتقدر من خلاله تصمم موقع بس مفهمتش دي برمجة ولا تصميم
اتصلت بالمركز صراحة ناس محترمين وفادوني كتير وفهمت ان جوملا مش زي الدورات التقليدية العادية وانك تقدر تصمم موقع كامل ديناميك وفيه فلاش وتصميات تحفة وباكتر من لغة من خلاله ومش شرط تكون بتفهم برمجة و في وقت قليل وبسعر زي ما قلت غريب واقل من اي دورة تانية وبصراحة هو ده اللي شجعني اني اشترك في الدورة دي حتى قلت لو طلعت اي كلام مخسرتش كتير واكيد هستفاد اي حاجة
اللي حصل العكس رحت اول محاضرة انبهرت من الموضوع والمحاضر واستفدت من اول محاضرة فتحتلي مخي ودخلتني في المجال
ورحت تاني يوم اعتذرت عن الدورة الاولى بتاعت التصميم اللي حجزتها في مكان تاتي
واتعرفت على الناس اللي معاي في الدورة اغلبهم اصلا في المجال وعندهم خبرة وبردة بياخدوا الدورة عشان كل واحد بتكمل عنده نقص في شغل وانا وبنت كمان كنا اول مرة ناخد اي كورس في تصميم المواقع وحمدت ربنا جدا اني مرحتش مكان تاني كمان كان المحاضر وهو المهندس شادي احمد اسلوبه قوي وبيبسط المعلومة الجديدة قوي و هو محاضر محترف ومبرمج وبيقدم برنامج اسمه الحاسوب في قناة الفتح الفضائية فغير اني اتعلمت منه ساعدني اني الاقي شغل
وبمجرد ما خلصت الدورة كنت عامل اصلا موقع كامل
ولقيت واحر قريبي شغال في شركة تصميم مواقع لما قلتله على الدورة قاللي انهم في الشركة واغلب الشركات في العالم قلبت شغل البرمجة والتصميم لجوملا
الحكاية دي حقيقية وعايز اقولكم ان الناس اللي كانول معاي دول واحد كان مصمم جرافيك اصلا بعد ما خلص الدورة بشوية بقى بروجكت مانجر وواحد تاني اشتغل في شركة تدريب كبيييرة عشان الموقع بتاعها و البنت اشتغلت مصممة مواقع فري لانسر يعني شغلها من عالنت وواحد اشتغل في شركة حلول اللي اخدنا فيها الدورة وواحد عمل موقع لشركة تسويق عقاري واشتغل فيها مسئول عنه
وانا اشتغلت في هيئة حكومية مسئوليتي كل ما يتصل بالنت لكن ما انقطعتش صلتي بشركة حلول ولا م. شادي وخصووووصا ان لقيت ناس كتير محتارة نفس حيرتي وبتسال في نفس الموضوع. و فيه ناس عارفة جوملا و بتدور على دورات ليها و مش لاقيه
و انا بانصح اي اي حد عايز يبدا في مجال تصميم المواقع او بيشتغل مصمم بس وميقدرش يسلم موقع كا مل اوبرمجة وعايز ياخد خبرة جديدة انه يبدا فورا ياخد دورة جوملا في شركة حلول وهتغيرله الكارير ان شاء الله للافضل طبعا
وانا جبتلكم مفاجاة اني اتفقت مع ادارة الشركة على ان كل الناس اللي تيجي عن طريقي ياخدوا تخفيض بس يكتبوا في استمارة التسجيل اللي جاية
haleem
او لما يتصلوا يقولوا عن طريق احمد عبد الحليم
و ان شاء الله اللي هياخد الدورة هيدعيلي وهو ده بجد اللي عايزه منكم
شكرا
أحمد عبد الحليم
جوملا مصر